Tai ClwydAlyn yn cael ei chydnadod yn genedlaethol am roi cymorth iechyd meddwl

Mae ClwydAlyn, y Gymdeithas Dai o Ogledd Cymru, wedi cyrraedd rownd derfynol Gwobrau Arfer Gorau Working Families 2024 yn y categori Iechyd Meddwl a Lles.

Mae’r gwobrau yn dathlu cyflogwyr ledled y Deyrnas Unedig sy’n arwain y ffordd o ran eu diwylliant, arferion gwaith a gweithleoedd hyblyg sy’n ystyriol i weithwyr sy’n rhieni a gofalwyr.

Mae cyrraedd y rownd derfynol yn y categori Iechyd a Lles yn brawf o ymdrechion ein tîm Iechyd a Lles ymroddedig.

Rwyf yn falch iawn o ddweud bod ein Tîm Iechyd a Lles hefyd wedi ennill marc ansawdd lles lefel Aur Cymorth Cyntaf Iechyd Meddwl Cymru. Mae 145 o’n haelodau staff eisoes wedi derbyn hyfforddiant Cymorth Cyntaf Iechyd Meddwl, ac rydym yn un o blith pump sefydliad arall yng Nghymru yn unig sydd wedi ennill y logo Marc Ansawdd Aur hwn.

Clare Budden

Prif Swyddog Gweithredol Grŵp Tai ClwydAlyn

Rôl person cymorth cyntaf iechyd meddwl yn y gweithle yw bod yn bwynt cyswllt cyntaf i bobl sydd â phroblemau iechyd meddwl, gan gynnig cymorth ac arweiniad i’w cydweithwyr hefyd.

Unwaith yn rhagor, rydym wedi gallu dewis o blith sefydliadau rhagorol sy’n arwain y byd wrth ddangos beth sy’n bosibl pan fydd cyflogwyr yn fodlon mynd yn groes i’r graen ac arwain drwy eisampl. Mae’n amlwg bod ganddynt awydd cryf i greu cymdeithas fwy cyfartal a chynhwysol sy’n gweithio i bawb.

Jane van Zyl

Prif Weithredwr Working Families

Mae cyflogwyr o wahanol sectorau ledled y Deyrnas Unedig wedi cystadlu i ddenu sylw’r beirniaid mewn naw categori a bydd enwau’r enillwyr yn cael eu cyhoeddi yn ystod seremoni wobrwyo yn Neuadd yr Apothecarïaid, Llundain, ar 26 Mehefin 2024.

I gael rhagor o wybodaeth, ewch i https://www.clwydalyn.co.uk/