Cyfarfod y tîm

Cychwynnodd Craig ei yrfa ym maes tai yn 1986 pan ymunodd â Chymdeithas Tai Clwyd Alyn fel hyfforddai ac erbyn hyn mae ganddo dros 30 mlynedd o brofiad yn y sector.

Bu’n rheoli’r swyddogaeth ddatblygu nes iddo adael yn 2008 ond dychwelodd i’r cwmni fel Cyfarwyddwr Corfforaethol yn 2017. Yn ystod ei yrfa bu Craig yn gyfrifol am lawer o brosiectau datblygu mawr ar draws Gogledd Cymru, mae’n weithredol ac adnabyddus yn y rhan fwyaf o gylchoedd strategol ac ar hyn o bryd mae’n gweithio ar uchelgais ddatblygu’r Grŵp. Wedi ei addysgu yn Sefydliad Gogledd Ddwyrain Cymru a Phrifysgol John Moores, Lerpwl, graddiodd Craig gyda BA Anrh mewn Astudiaethau Tai.

Yng Ngogledd Cymru y maged Paul a chychwynnodd ei yrfa gyda Chyngor Wrecsam lle cymhwysodd fel Cyfrifydd Cyllid Cyhoeddus Siartredig.

Yna aeth ymlaen i weithio i amrywiol gyrff cyhoeddus mawr yn Lloegr, a chafodd hefyd radd Meistr mewn Gweinyddu Busnes, cyn dychwelyd i Gymru fel Pennaeth Cyllid ac Asedau i Gyngor Sir Ddinbych. Roedd yn rheoli materion ariannol y Cyngor, ei bortffolio eiddo o unedau busnes, tir, ffermydd, ac adeiladau cyhoeddus ac roedd yn bennaeth ar adran tai’r Cyngor. Yn ystod y cyfnod hwn bu’n gweithio hefyd ar brosiectau amlwg gan gynnwys adeiladu ysgolion newydd, harbwr newydd a phont yn y Rhyl, a datblygiad gwesty a bwyty newydd.

Yna daeth yn Gyfarwyddwr Adnoddau yn Adra, landlord cymdeithasol cofrestredig sy’n rheoli 6,300 o gartrefi yng Ngogledd Orllewin Cymru, cyn symud i fod yn gyfarwyddwr ar Dai ClwydAlyn yn 2019.

Mae Paul yn gyfarwyddwr anweithredol ac yn gadeirydd ar y pwyllgor cyllid a llywodraethiant, ar Denbighshire Leisure Ltd, is-gwmni i Gyngor Sir Ddinbych sy’n darparu gwasanaethau iechyd, llesiant a hamdden i breswylwyr ac ymwelwyr. Fe’i penodwyd yn ddiweddar ar fwrdd WellFed Ltd, cwmni cynhyrchu bwyd sy’n rhan o elusen sy’n gweithio ar leihau tlodi bwyd yng Ngogledd Cymru.

Mae Paul hefyd yn aelod o fwrdd Magenta Living, cymdeithas dai ym Mhen-bedw sy’n darparu dros 12,000 o gartrefi cymdeithasol ar rent yng Nghilgwri a Swydd Gaer ynghyd â gofal ychwanegol a chefnogaeth.

Ymunodd David â ClwydAlyn yn 1991 fel prentis peiriannydd gwresogi a phlymio.
Ar ôl cwblhau ei brentisiaeth yn llwyddiannus a chael gwobr ‘Prentis y Flwyddyn’, newidiodd David ei lwybr gyrfa i reoli asedau, a chafodd swyddi amrywiol o Arolygydd Technegol, Rheoli Contract a goruchwylio tîm bychan o grefftwyr cyn cael ei benodi yn Rheolwr Gwasanaethau Adeiladu ym Mawrth 2012.
Yn hwyr yn 2014, daeth David yn Rheolwr Gyfarwyddwr ar PenAlyn cwmni cynnal a chadw arbenigol mewnol oedd newydd ei sefydlu gyda dros 90 o staff yn goruchwylio darparu gwasanaethau cynnal a chadw i ClwydAlyn gan ddod â ffrydiau gwaith ychwanegol yn fewnol fel rhoi gwasanaeth nwy a’r contract glanhau.
Yn 2015, penodwyd David yn Gyfarwyddwr Gweithredol Asedau yn goruchwylio’r cwmni cynnal a chadw mewnol arbenigol, Rheoli Asedau a chyflawni cydymffurfio.
Yn ogystal â chael profiad yn y rheng flaen ar wrth reoli yn strategol ar lefel uchel yn y sector tai cymdeithasol, mae hefyd wedi cael gradd BSc 2.1 mewn Rheoli Cynnal a Chadw Adeiladau ac mae ganddo gymwysterau Iechyd a Diogelwch NEBOSH, Tân, Amgylcheddol, Rheoli Asbestos P405 a Phersonau Cyfrifol Legionella. Mae’n parhau i archwilio cyfleoedd dysgu pellach i ymdrin â newidiadau deddfwriaethol.
Mae’n aelod o CIWFM ac mae’n cymryd rhan weithredol mewn fforymau cenedlaethol a grwpiau ffocws lleol am yr agenda datgarboneiddio ac mae’n angerddol am wneud gwahaniaeth i heriau amgylcheddol ac yn cefnogi cynlluniau gwirfoddoli.
Ar hyn o bryd mae’n Rheolwr Gyfarwyddwr Dros Dro ar Onnen ein Menter ar y Cyd newydd gyda landlord cymdeithasol arall yng Ngogledd Cymru i gyflawni ein rhaglen datgarboneiddio.

Mae Suzanne wedi byw yng Ngogledd Cymru ar hyd ei hoes ac mae hi wedi datblygu ei gyrfa mewn gwahanol swyddi sy’n cefnogi cymunedau lleol yn yr ardal. Ymunodd â ClwydAlyn yn 2018 ar ôl gweithio ym maes Digartrefedd a Thai gyda Chyngor Sir y Fflint.

Mae Suzanne yn angerddol dros atal digartrefedd ac mae hi’n gweithio i wella gwasanaethau ar gyfer y bobl fwyaf agored i niwed yn ein cymunedau. Pan ymunodd â ClwydAlyn, bu Suzanne yn arwain ar ein nod i roi’r gorau i droi pobl o’u cartrefi ym maes tai cymdeithasol gan roi mesurau ar waith i fynd i’r afael ar hyn.

Ers mis Medi 2020, Suzanne yw’r Cyfarwyddwr Gweithredol Gwasanaethau Tai.  Mae Suzanne yn gyfrifol am ddyraniadau, cynnal, tai gwag, ymgysylltu â phreswylwyr a gwasanaethau i gwsmeriaid. Mae hi hefyd yn Ymddiriedolwr gyda Local Solutions, elusen sy’n cefnogi unigolion, teuluoedd a chymunedau ar draws Rhanbarth Dinas Lerpwl a Gogledd Cymru.

Cychwynnodd Elaine ei gyrfa broffesiynol yn gweithio yn y diwydiant technoleg yn yr 1990au yn Reading; cwblhaodd ei chymwysterau CIPD proffesiynol yn 1996 a symud i’r sector contractio TG a Gwasanaeth Cwsmeriaid lle treuliodd y deng mlynedd nesa yn datblygu ei gyrfa a’i gallu masnachol gan gynnwys arwain yr agweddau pobl ar gytundebau rhoi contractau allanol cymhleth.  Yn ystod y cyfnod hwn y symudodd i Ogledd Cymru.

Penodwyd Elaine yn Gyfarwyddwr Adnoddau Dynol i Grŵp Meysydd Awyr Manceinion yn 2007; un o brif gyfrifoldebau’r gwaith oedd cefnogi’r adolygiad ac integreiddio’r busnes meysydd awyr rhanbarthol.  Roedd hyn yn cynnwys arwain agweddau pobl gwerthiant un o’r meysydd awyr llai yn y Grŵp.  Yn ystod ei hamser yn y sector, dilynodd gymhwyster annog proffesiynol ac ehangu ei sgiliau datblygu sefydliadol.   Daeth yn aelod o Gymdeithas Seicolegol Prydain ar ôl cwblhau cymwysterau ychwanegol mewn Profi Seicometrig.

Yn ystod y cyfnod hwn ac ar sail ei phrofiadau personol yn cael gofal i’w rheini y penderfynodd chwilio am gyfleoedd yn y maes Iechyd a Gofal Cymdeithasol i’w galluogi i ddefnyddio ei phrofiad proffesiynol i ddylanwadu ar newid yn y sector.

Cymerodd y swydd o Gyfarwyddwr Datblygiad Sefydliadol a Thrawsnewid ar gyfer Elusen Gofal Cymdeithasol fawr yn 2013 a daeth yn rhan o’r Tîm Gweithredol; roedd y sefydliad yn cyflogi dros 5000 o staff ar draws y Deyrnas Unedig a gwasanaethau yn amrywio o Ofal Cymdeithasol i Oedolion, cefnogi’r rhai sydd ag anableddau i fyw’n annibynnol a Gwasanaethau Gofal Ychwanegol; ar yr adeg hon ymunodd â grŵp traws-sectoraidd dan arweiniad yr elusen Skills for Care gan ddechrau siapio’r safonau ar gyfer datblygu gweithlu yn y Sector Gofal.

Yn 2015 ymunodd Elaine â ClwydAlyn fel Cyfarwyddwr Adnoddau Dynol gan ddod yn Gyfarwyddwr Gweithredol Pobl, Marchnata a Chyfathrebu.

Daeth yn Aelod o Fwrdd Tai Pawb, Elusen Cydraddoldeb a Chyfiawnder Cymdeithasol yn y sector Tai yn 2019.

Ymunodd Ed â ClwydAlyn ym mis Ionawr 2017 ar ôl gweithio am 8 mlynedd gyda Riverside Group yn Lerpwl, un o Gymdeithasau Tai mwyaf y DU. Ar ôl ymuno â ClwydAlyn fel Pennaeth Gwasanaethau Preswylwyr, cafodd Ed ei ddyrchafu yn Gyfarwyddwr Gweithredol ym mis Hydref 2020 ac mae bellach yn gyfrifol am Gartrefi Gofal a Nyrsio, Gofal Ychwanegol a Byw â Chymorth, Iechyd a Diogelwch, Cydymffurfiaeth Adeiladu a Thai Fforddiadwy. Mae gan Ed brofiad helaeth o weithio mewn partneriaeth ym meysydd Tai, Iechyd, Awdurdodau Lleol a’r Trydydd Sector.

Enillodd Ed radd BSc (Anrhydedd) yn Ysgol Fusnes Caerdydd, mae’n ymarferydd cymwysedig Prince2 ac mae ganddo gymhwyster Lefel 5 mewn rheolaeth Iechyd a Gofal Cymdeithasol. Mae Ed yn Gyfarwyddwr Anweithredol Aura Wales ac yn ei amser hamdden mae’n hyfforddwr rygbi mini gyda Chlwb Rygbi’r Wyddgrug.

Mae Ed wedi byw yng Ngogledd Cymru ar hyd ei oes ac mae’n angerddol dros wella gwasanaethau tai a chymorth yn y rhanbarth.

Rwyf wedi gweithio i Lywodraeth Leol a Chymdeithasau Tai ar hyd fy ngyrfa ac mae gennyf lawer o brofiad gwirfoddol yn y sectorau elusen a mentrau cymdeithasol. Rwyf wedi cymhwyso i lefel ôl-raddedig ac yn Gymrawd o’r Sefydliad Tai Siartredig.

Rwy’n Gadeirydd ar 2025, (mudiad a sefydlwyd i ddwyn anghyfartaledd iechyd y gellir ei osgoi i ben yng Ngogledd Cymru); ac yn aelod o Fwrdd Cynghori Cenedlaethol Llywodraeth Cymru i Ddod â Digartrefedd i Ben. Rwy’n Aelod Cysylltiol o Fwrdd Iechyd Prifysgol Betsi Cadwaladr yng Ngogledd Cymru ac rwy’n Gadeirydd ar Gyngor Busnes Gogledd Cymru a Merswy Dyfrdwy.

Rwy’n angerddol am ddileu tlodi ac anghyfartaledd, ac rwy’n mynd yn flin pan fydd y lle yr ydych yn byw neu y cawsoch eich geni yn dal i effeithio cymaint ar ddeilliannau bywyd.

Rwy’n falch o fod yn Gymraes. Rwy’n fam i bedwar; gan fyw yn y gymuned lle cefais fy magu. Rwy’n teimlo’n lwcus fy mod wedi gallu byw’r bywyd yr wyf yn ei ddewis, ac am wneud yr hyn a allaf i sicrhau bod eraill yn gallu gwneud hynny.