Cae Bothan

Dyddiad cwblhau arfaethedig: Gwanwyn 2024

Bydd y datblygiad hwn, sy’n werth £10.2 miliwn, yn darparu 54 o gartrefi newydd fforddiadwy ac ynni-effeithlon ar gyrion tref porthladd brysur Caergybi. Yr adeiladwyr yw K&C Construction ar ran ClwydAlyn ac mewn partneriaeth â Chyngor Sir Ynys Môn a Llywodraeth Cymru (wedi’i ariannu gan y grant tai cymdeithasol).

Mae’r datblygiad yn cynnwys cymysgedd o fflatiau 1 ystafell wely a thai 2, 3 a 4 ystafell wely. Mae’r holl gartrefi yn cael eu hadeiladu fel cartrefi am oes ac maent wedi’u dylunio fel bod modd eu haddasu’n hawdd wrth i anghenion y preswylwyr newid, gan eu helpu i fyw’n annibynnol am gyfnod hwy.

Bydd y cartrefi newydd hyn yn bodloni ac yn mynd tu hwnt i’r safonau rheoleiddiol presennol: Safon Ansawdd Tai Cymru Llywodraeth Cymru, Gofynion Ansawdd Datblygu Llywodraeth Cymru a safonau Tai a Lleoedd Hardd Llywodraeth Cymru.

Nod ClwydAlyn yw taclo tlodi tanwydd a helpu i leihau’r effaith y gall cartrefi llai effeithlon o ran ynni ei gael ar iechyd a lles pobl. Wedi eu hadeiladu gan ddefnyddio technolegau mwy gwyrdd a dyluniadau blaengar, mae’r cartrefi newydd yma’n effeithlon iawn o ran ynni ac yn manteisio ar:

• Pympiau gwres ffynhonnell aer
• Paneli trydan solar
• Batris storio trydan solar
• Cartrefi wedi eu gosod i wneud y mwyaf o’r haul a golau naturiol
• Cyfleusterau gwefru ceir trydan
• ‘Dulliau Adeiladu Modern’, gan ddefnyddio cymaint o ddeunyddiau naturiol a chynaliadwy ag sy’n bosibl
• Canfod deunyddiau gan weithgynhyrchwyr a chyflenwyr lleol, gan gadw’r ôl troed carbon yn isel.

Gall y cartrefi yma wneud gwahaniaeth mawr. Byddant yn helpu preswylwyr i gefnogi’r amgylchedd; arbed ynni gwerthfawr ac fe allant arbed arian yn y pen draw hefyd.

Mae 54 o gartrefi ar y safle

• 20 x fflat 1 ystafell wely
• 10 x tŷ 2 ystafell wely
• 12 x tŷ 3 ystafell wely
• 6 x tŷ 4 ystafell wely
• 4 x byngalo 2 ystafell wely
  2 x fynaglo wedi’u haddasu ar gyfer cadeiriau olwyn.