Tai ClwydAlyn yn edrych i’r dyfodol yn hyderus, gyda chefnogaeth ariannol gadarn

Mae Tai ClwydAlyn, darparwr tai cymdeithasol blaenllaw yng Ngogledd Cymru, yn edrych i’r dyfodol yn  llawn optimistiaeth. Mae’r adroddiad diweddaraf gan S&P Global Ratings yn tynnu sylw at sefyllfa ariannol gadarn y sefydliad, gan arwain y ffordd at dwf a datblygiad parhaus.

Roedd yr adroddiad yn cadarnhau sgôr credyd ‘A’ gwych ClwydAlyn, gan nodi bod adnoddau ariannol y gymdeithas dai yn ddigonol iawn ar gyfer ei chynlluniau gwario. Gyda rhagamcanion o £129 miliwn, gan gynnwys arian parod, buddsoddiadau, a chyfleusterau credyd heb eu defnyddio, mae ClwydAlyn mewn sefyllfa gref i wynebu’r £74 miliwn o wariant cyfalaf a thaliadau dyledion.

Mae’r sefyllfa ariannol gadarn hon yn newyddion da iawn i gefnogi cenhadaeth ClwydAlyn i drechu tlodi. Gyda’r sylfaen gadarn hon mae ClwydAlyn yn barod i symud ymlaen yn hyderus gyda chynlluniau uchelgeisiol i adeiladu ac adnewyddu cartrefi ledled Gogledd Cymru.

Roedd Cris McGuinness, Cadeirydd Bwrdd ClwydAlyn, yn falch iawn o glywed hyn: “Rydym wrth ein bodd i rannu’r newyddion fod ClwydAlyn yn dal i fod mewn sefyllfa ariannol gadarn. Mae hyn yn golygu y gallwn barhau i fuddsoddi mewn prosiectau yn y dyfodol a chynnal cartrefi o ansawdd yng Ngogledd Cymru.”

Ers 2018, mae ClwydAlyn wedi darparu 730 o gartrefi, ac mae gan y gymdeithas gynlluniau i ychwanegu 1,000 erbyn 2027/28. I gael rhagor o wybodaeth am Tai ClwydAlyn, ewch i: https://www.clwydalyn.co.uk